HOEVEEL KOS DIT?

Maak 'n afspraak sodra jy agterkom jou kind huisves kopluise. Ek het uitstekende toerusting  om die kopluise en eiers raak te sien en uit te wis. Indien jy jou kind onmiddelik bring behoort die afspraak nie langer as drie uur te neem nie. Die koste sluit al die produkte in wat ek gebruik. Probeer Itchy Monkeez en wis die kopluise uit - die eerste keer.

Kopluis epidemie

Kyk gereeld jou kinders se koppe deur vir kopluise. Kinders tussen die ouderdomme van 4 en 12 jaar is geneig om kopluise te kry.Kopluise hou van warm donker areas, so kyk in die areas agter die ore en die haarlyn aan die agterkop - teen die nek.

Kopluise moet so gou moontik uitgeroei word, want hoe langer 'n ouer wag (en sukkel) hoe meer luise broei uit en teel aan.

Die vroulikke kopluis kan eiers begin lê 24 uur na paring en dan kan sy tot 10 eiers per dag lê. Die eiers neem 7 - 10 dae om uit te broei. As die kopluise kans gekry het om eiers te lê kan daar binne 'n  maand 'n kopluis epidemie op jou kind se kop wees.

Hoe vroeër 'n ouer die kopluise vasvat, hoe maklikker en vinniger is dit om ontslae te raak van die pes.

Raak ontslae van kopluise met jou eerste probeerslag.

 
Vroulikke kopluise plak die nete aan die haarskag met 'n gom. Die gom verhard vinnig in 'n "neet skede" oor die haar skag en groot dele van die eier. Hierdie sterk gom is die kopluis se geheim om so suksesvol voor te plant en te oorleef. Die gom is so sterk dat die leë eierdop op die haarskag bly totdat dit fisies deur wrywing of die gasheer verwyder word. Anders sal dit stadig disintegreer, wat 6 of meer maande kan neem.

Die enigste manier om van kopluise ontslae te raak is om al die nete (eiers) fisies te verwyder. Alle kopluisprodukte maak dit duidelik dat die hare goed deurgekam moet word met 'n luiskam om te verseker dat geen eiers kan uitbroei nie.

By Itchy Monkeez haal ek elke eier met my vingers van die haarskag af. Die neet word vasgeknyp en met die lengte van die haar afgetrek.

Moedelose ma's kom na my toe nadat hulle verskillende produkte - teen 'n groot koste -  probeer het en ure gewas en gekam het.

Kontak Itchy Monkeez die oomblik as jy sien jou kind het kopluise - ek sal jou geld en tyd spaar.

 

 

 

Kop luis produkte wat werk?

Teen die tyd wat 'n moedelose ma by my aanklop vir hulp het sy al in die omtrek van R500-00 uitgegee op produkte, om nie te praat van die ure wat sy besig was met haar kind se hare nie. Vandag is alles is duur en niemand wil geld mors nie. Die geheim om ontslae te raak van kopluise is nie die produkte nie.  Daar mag geen eiers/ nete op die kop agterbly nie. Alle kopluis produkte het iewers 'n inskrywing wat verduidelik dat al die nete uitgekam moet word. Ma's kla altyd die kop luise kom terug. Nee, hulle was nooit weg nie!

By Itchy Monkeez het ek die geduld, ondervinding en toerusting om al die nete uit te kam. Probeer my eerste om geld en tyd te spaar.

My diens as kopluis kenner vir 'n diens of produk: ruilhandel sonder rande

Ek het die afgelope paar maande soveel navrae gekry van desperate ouers wat sukkel om van hulle kinders se kopluise ontslae te raak, dat ek besluit het om weer te begin met Itchy Monkeez.

Die salon is privaat, van my huis af en ouers kan of lekker hier ontspan of die kinders by my los en 'n luisvrye kind optel na 'n paar uur.

Onthou die meeste kinders onder dertien kry een of ander tyd kopluise. Hoe skoner jou kind se hare, hoe maklikker is dit vir die luise om in te trek.